BRASILIA, BRASIL, AFP.-  Brasília a anunsiá e oumento di kantidat di polis na e sede di podernan públiko pa reforsá permanentemente nan seguridat, na momentu ku outoridatnan a detené algun supuesto organisadó di e atake di 8 di yanüari den e kapital.

Celina Leao gobernadó interino di e distrito federal a bisa ku inmediatamente a oumentá di 248 pa 500 polis militar destaká rondó di e ministerionan i e sedenan di e tres podernan públiko, ku a keda vandalisá pa siguidónan radikal di e eks presidente ultra derechista Jair Bolsonaro, un siman despues di toma di posishon di Luiz Inacio Lula da Silva.

“Pa nos por tin máksimo trankilidat i un seguridat firme”, Leao a afirmá durante di un rueda di prensa huntu ku e presidente di kámara Arthur Lira i e vise minister di hustisia  Ricardo Cappelli.

Leao a asumí e kabes di e ofisina despues ku e gobernadó Ibaneis Rocha a keda destituí temporalmente miéntras ta determiná dikon el a falta ku seguridat di e kurason polítiko di e kapital.

LAGA UN KOMENTARIO

Please enter your comment!
Please enter your name here