STOCKHOLM, Suesia (AFP).- Brasil tin intenshon di kumpra 20 avion di guera Gripen adishonal fabriká pa e grupo di defensa sueko Saab, ademas di e 36 avionnan ku ya e pais a kumpra, segun e minister di defensa sueko. “Den su deklarashon di intenshon, Brasil a deklará di ta dispuesto na bai mas leu ku e 36 aparatonan ya entregá i pa konsiderá e kompra di 20 Gripen adishonal”, segun Pal Johnsn den un konferensia di prensa huntu ku su kolega brasilero Jose Mucio.
“Esakinan, di mes, lo keda fabriká na Brasil”, el a agregá. Brasil den 2014 a firma kontrakt pa e kompra di 36 Gripen E/F produsí pa e fabrikante aeronóutiko Saab, pa un kontrakt di 4.500 mion dòler (3.900 mion euro). E pais suramerikano a presentá na final di mart e promé Gripen fabriká den su teritorio, ya ku e akuerdo di 2014 ta inkluí 16 avion produsí den e instalashonnan dje konstruktor aeronóutiko brasilero Embrase na Gaviao Peixoto, den e estado di Sao Paulo.
Brasil a preferá e avion sueko riba e Rafale dje franses Dassault Aviation i e F/A-28 Super Hornet dje fabrikante merikano Boeing.
