RIO DE JANEIRO, AP.- Polis di Brasil a detené 10 di 12 persona ku a hura lealtat na grupo Estado Islámiko traves di retnan sosial i a papia tokante posibel atakenan durante Weganan Olímpiko di Rio de Janeiro, asina funshonarionan a bisa djaweps.
E minister di Hustisia Alexandre de Moraes a bisa na periodistanan den Brasilia ku 10 sospechoso ya a keda detené i tabata buskando dos mas.
E 12 personanan brasilero i un di nan ta menor di edat. No a duna informashon tokante e género di e sospechosonan.
Moraes a agregá ku polis a aktua pasó e grupo tabata papiando tokante uso di arma i táktika di gueria pa lansa un atake durante Weganan Olímpiko, ku ta kuminsá dia 5 di ougùstùs.
“Nan tabata kompletamente amatùr i tabata mal prepará” pa lansa un atake, segun Moraes. “Por ehèmpel, algun di pasá nan a bisa ku nan mester kuminsá práktika artenan marsial”.
Sinembargo, e minister a indiká ku asta e gruponan desorganisá mester wòrdu tumá na serio.
E detenshonnan hasí den 10 estado, inkluyendo Sao Paulo i Parana, i no tabata evidente si e sospechosonan tabata konosé otro, mas aleu di simplemente nòmber di otro riba Internet.
Moraes a afirmá ku no tabatin niun persona spesífiko.
Segun Moraes, e sospechosonan a wòrdu batisá komo simpatisadónan di Estado Islámiko riba Internèt i ku ningun a biaha pa Siria òf Irak, bastion di e grupo ni ku nan a konfrontá otro. Vários di nan tabata purbando di haña finansiamentu pa e grupo, konosí pa ISIS.
E minister di hustisia a agregá ku un di e sospechosonan a komuniká ku un tienda na Paraguay pa purba kumpra un AK-47, kual lo ta un akshon ku nan a tuma pa realisá un posibel atake.
E komunikashon via e-mail a wòrdu di tap pa polis.