SAO PAULO, BRASIL, AFP.- E gobièrnu brasilero a lansa su kampaña nashonal di vakunashon kontra Coronavirus, despues ku e estado di São Paulo a kuminsá vakuná, sin warda riba òrdu i desafiando presidente Jair Bolsonaro.
“E gobernadornan di Brasil a pidi mi pa aselerá e distribushon pa kuminsá ku e programa di vakuna awe”, asina e minister di salú, Eduardo Pazuello a bisa, kende a plania pa lansa e programa den tur estado djárason. E pais lo usa e vakuna di China Coronavac, aprobá pa uso di emergensia.
Rio De Janeiro ta e estado ku e tasa di morto mas haltu den e pais i a vakuná su dos promé siudadanonan bou di e estatua ikóniko Kristu Redentor den oranan di atardi. Un enfermero i un residente di asilo a haña e vakuna. Otro estadonan manera Golas i Santa Catarina tambe a inisiá ku e kampañanan djaluna.
Sentenáres di persona a haña e vakuna riba e mesun dia i e proseso a sigui for di den oranan trempan djaluna den Hospital di Klínikanan, enfoká riba profeshonalnan di salú.
