BREAKING NEWS: Algun ratu pasa a detené un agente polisial pa entre otro lèkmentu di informashon

WILLEMSTAD.- Funshonarionan di Landsrecherche Curaçao (LrC) a hasi djadumingu merdia, 10 di yüni 2018, 3 detenshon. Ta trata di e investigashon “Football” den kual a detené entre otro un polis na airopuerto Hato. Ta trata di di e hòmber F.A.W. (Kòrsou, 33 aña).
Kontinuando ku e investigashon a detené tambe un funshonario di Duana “in opleiding”. Ta trata di e hòmber J.N.P.H. (Kòrsou, 26 aña). Tambe a detené e komersiante U.I.P. (Kòrsou, 50 aña).

Kontinuando ku investigashon a tene entrada hudisial na varios adres: Gosieweg, Siberie, 2 adres den Sans Souci i Kashutuin. Esaki nan a tuma lugá bou di liderazgo di un Fiskal Ousiliar.
Landsrecherche Curaçao a haña sosten durante e akshon di funshonario di polis (KPC), Team Bestrijding Ondermijning (TBO) i Marina Real.
A konfiská droga, dokjmento i otro artikulo importante pa e investigashon.

A inisiá ku investigashon “Football” despues di informashon ku a drenta di maluso di funshon, lekmentu di informashon i praktika ilegal den kual ambtenar ta envolvi.

Landsrecherche ta un instansia di investigashon ku un tarea speshal ku ta dirihí su mes entre otro riba investigá komportashon ku ta toka integridat di atministrashon públiko. Landsrecherche ta hasi solamente investigashon ora Prokurado-general (PG) duna ordu pa esaki.

Korupshon atministrativo ta forma un menasa pa un pais su derecho. Landsrecherche Curaçao (LrC) i Ministerio Públiko (OM) Kòrsou ta duna pa e motibu aki prioridat na tipo di korupshon asina.

Den nos edishon di mayan EXTRA lo tin tur detaye i imagen di e detenshonnan i entradanan hudisial

SHARE

LEAVE A REPLY