Durante  kaso Maximus

 

WILLEMSTAD.- Koninklijke Marechaussee ayera a duna di konosé ku den e último dianan e brigada speshal di enkargo di seguridat di Koninklijke Marechaussee a traha na Kòrsou. E brigada speshal, ku yama BSB, tin komo meta pa hasi ‘beveiligingsopdrachten’. Den e último dianan miembronan di BSB a yuda outoridatnan lokal na Kòrsou ku transportashon di diferente detenido ku mester a bai Marinekazerne Sufissant komo testigu den kaso di apelashon di Maximus. Testigu manera Burney ‘Nini’ Fonseca i Givenchi Maria ku a bin for di Hulanda na Kòrsou pa nan por tabata presente durante kaso di apelashon, a keda transportá dor di BSB. Banda di esei miembronan di BSB tambe a yuda ku otro trabou di seguridat na Kòrsou.

Den e kuadro ei BSB a traha huntu ku Kuerpo Polisial di Kòrsou, Kustwacht Caribisch gebied, brigada di Marechaussee den Karibe i otro unidatnan di defensa.

 

 

 

 

Den e último dianan produktor hulandes Ewout Genemans a graba imágen di e trabou di BSB i e brigada di Marechaussee den Karibe. Genemans ta traha un serie di programa di televishon tokante e trabou di Koninklijke Marechaussee na Hulanda i rònt mundu.

Si tur kos bai bon e programa lo ta na televishon hulandes for di fin di luna di mei di e aña aki.

LAGA UN KOMENTARIO

Please enter your comment!
Please enter your name here