LONDEN, AP.- Manifestantenan anti-Brexit a protestá den sentro di London djasabra, eksigiendo e gobièrnu britániko pa realisá un referèndem nobo pa determiná si Gran Bretaña mester keda òf sali di Union Europeo.

E manifestantenan a karga bandera di Union Europeo i bòrchinan elogiando e relashon entre Gran Bretaña i e kontinente europeo.

E manifestantenan a uni desde tur parti di e pais, desidido pa obligá promé minister Theresa May su gobièrnu pa alterá e proseso di Brexit.

E lider liberal demókrata, Vince Cable, invitá pa enkabesá e marcha, a bisa ku e multitut tabata impreshonante i uní ku otro.

Polis no a bisa kuantu hende a presentá. E legislador independiente Chuka Umunna i otronan ku kier un otro referèndem di Brexit a kalkulá ku mas o ménos un mion persona a partisipá den e protesta

Mas di kuater mion persona a sostené un pedido elektróniko e siman aki, na fabor di revoká artíkulo 50, kual a duna inisio na e proseso di Brexit.

Parlamento a rechasá promé minister Theresa May su akuerdo pa e separashon dos biaha. E minister no ta na fabor pa realisá un segundo referèndem tokante Gran Bretaña su miembresia na UE.

LAGA UN KOMENTARIO

Please enter your comment!
Please enter your name here