MALAWI.- Den e siman aki Malawi a raportá mas ku 1.000 morto komo konsekuensia dje malesa di kólera ku a start for di mart di 2022, esei di akuerdo ku e Minister di Salubridat a deklará. Kasonan registrá for di tempu dje brote a subi na 31.241, di akuerdo ku un deklarashon di gobièrnu, miéntras ku e kantidat di morto ta 1.023.
E Minister di Salubridat Khumbize Chiponda a duna di konosé den un konferensia di prensa ku e kantidat di morto kousá pa kólera a bin ta multipliká den e último luna. Den kuater siman e kantidat di bira dòbel. Pa dia 26 di desèmber e kantidat di morto kousá pa e malesa bakterial aki tabata na 486. Segun Chiponda, un 66 porshento di kasonan di morto ta bou di hende hòmber, aunke tin muchanan tambe ku a muri dje enfermedat. Esaki ta ser konsiderá komo e brote di kólera di mas pió den dos dékada.
