LONDON, AP.- E enfermedat viral ku ta afektando hopi hende no ta un emergensia mundial, esaki segun e organisashon mundial di salu.
OMS a saka un evaluashon despues ku outoridatnan chines a anunsiá ku nan ta sera tres siudat i a kanselá eventonan importante na Beijing kapital, durante un periodo di feria di Aña Nobo pa trata na kontené e vírus, un variante di korona vírus.
Den un konferensia di prensa na Ginebra direktor general di OMS Tedros Adhanom Ghebreyesus a bisa ku ounke e brote ta klaramente un emergensia na China, e no a bira un emergensia mundial pa salu, E por bira unu asina si.
E desishon no mester keda tuma komo sigurá ku OMS no ta pensa ku e situashon ta grave òf no nan no ta tum’é na serio, asina e direktor a bisa. OMS ta monitor e brote kada minüt di kada dia.
E agensia di salu ONU a tuma e desishon despues ku ekspertonan independiente a pasa dos dia evaluando informashonnan riba e vírus.
