WILLEMSTAD.- Na komienso di e siman aki un e-mail a bai rònt den kua un persona ta buska trabou. Aparentemente el a manda su solisitut pa trabou na diferente kompania na Kòrsou. Bureau Telecommunicatie & Post (BT&P) ta bisa ku nan a tuma nota di e kaso aki i ounke ku no tin niun indikashon ku por ta trata di un atake sibernétiko tog BT&P ta konsehá kompanianan pa no habri niun e-mail di un hende ku nan no a pidi pe i ku nan no konosé. Tambe BT&P ta konsehá pa no klek riba niun link den e e-mail. Di e forma ei por evitá un atake sibernétiko. EXTRA a komprondé di BT&P ku nan tin atenshon pa ‘hackers’ ku ta trata na saka informashon for di kompanianan via e sistema di ‘fishing’ pa despues eksigí plaka i p’esei BT&P ta alerta komunidat. BT&P ta konsehá pa delete tur e-mail ku bini di un hende òf instansia ku bo konosé mesora i no habri niun lenk ni karta pega na e e-mail. Detayenan mas amplio den edishon di EXTRA.

LAGA UN KOMENTARIO

Please enter your comment!
Please enter your name here