SAN SALVADOR, EL SALVADOR (AFP).- E presidente di El Salvador, Nayib Bukele, a anunsiá ku despues ku e kaba ku gèngnan lo e bringa e “mafianan” empresarial ku ta hunga ku preisnan di produktonan ku ta hisa kosto di bida den e pais.
“Awor ku, pa sania ekonomia i sali for di pobresa, nos a disidí pa bai kontra e kartelnan ku ta hunga ku preisnan i tambe kontra dje mafianan, nan ta bolbe ataká kondena gobièrnu”, segun Bukele a skibi riba su kuenta X
Djabièrnè, den kadena di radio i televishon, e presidente a hasi un yamada riba ”importadornan mayorista, distribuidornan i esnan ku ta negoshá den alimento” pa stòp” ku e abusunan”, ku e preisnan, loke a provoká reakshon di esakinan den medionan di komunikashon.
“Mi ta bai hasi un yamada manera nos a hasi riba gèngnan den 2019”, pa “nan stòp di mata nos komunidat òf no keha despues”, pa “stòp di abusá dje pueblo salvadoreño (ku preisnan) i pa nan no keha despues”, segun e gobernante a atvertí.
El a bisa mas aleu ku den 2019 tempu ku a anunsiá e guera kontra di gèngnan, “nos a risibí masha hopi atake i kondena di komunidat internashonal, ku nan ‘ideologianan’ den un ”un pais ku nan no konosé.
“Nos no a skucha nan i a kombertí e pais mas insigur di mundu den e pais mas sigur di hinter e hemisferio oksidental”, segun Bukele.
Sintando su di dos periodo dia 1 di yüni último, Bukele a primintí na mehorá e ekonomia ounke ku “remedi marga”.
Bukele a yega na poder den 2019 ku e promesa di kibra gèngnan i pa esaki a introdusí den e pais un “régimen di eksepshon”, kuestioná pa organisashonnan di derechi humano pasobra e ta permití pa detené hende sinku tin un órden hudisial.
