SAN SALVADOR, EL SALVADOR, AFP.- Presidente Nayib Bukele  ta sigui kumpra bitcoin apesar ku e kotisashon di esaki a kai drástikamente, loke a sorprendé algun ekonomista ku ta teme perhuisio pa e finansa di e pais sentro amerikano.

E mandatario a anunsiá ku  e ta kumpra un bitcoin kada dia, sin bisa pa kuantu tempu  e lo hasié, nèt na momentu ku e tabata atendé den un enkuentro ku defensornan di e kriptomoneda. E pais aki mes no tin su propio moneda,k for di despues ku el a aseptá e dòler.

“Kumpra un bitcoin pa dia no ta benefisiá pa nada e salvadoreñonan i muchu ménos e pobernan”, asina e ekonomista independiente Rafael Lemus a informá na AFP. Na sèptèmber 2021 ora El Salvador a bira e promé pais den aseptá e bitcoin komo moneda den kurso legal pareu ku dòler, su prei tabata 45 mil dòler.

Na novèmber 2021 el a yega 68 mil dòler pero aktualmente e ta bou di 17 mil dòler, mei mei di kiebro di e plataforma di interkambio FTX, un di e gigantenan di e sektor.

Te na e momentunan aki e gobièrnu di Bukele a kumpra 2381 bitcoin, destinando 107 mion dòler na fondonan públiko na e operashonnan ei.

LAGA UN KOMENTARIO

Please enter your comment!
Please enter your name here