WILLEMSTAD.- E situashon di burakunan riba kaminda ta birando kada dia mas i pió.
Ta yena burakunan pero despues di algun dia nan ta bolbe habri bèk i bira pió di loke nan tabata promé
Abitantenan di Kaya Paul de Lima ku ta keda den Brievengat i tambe besindario a opta pa pone man na obra i no sinta warda mas riba gobièrnu. Ayera nan mes a sali nan kas mainta trempan i kuminsá yena burakunan ku semènt.
EXTRA a kombersá ku e abitantenan i nan a indiká ku ya pa hopi aña situashon di e kamindanan ta den hopi mal estado. Nunka a pasa wak drechi di e kamindanan i atendé esaki manera ta hasi den otro barionan.
Tin abitantenan ku a haña nan konfrontá ku gastunan enorme na nan vehíkulo debí na e situashon di kaminda. E habitante a bisa ku awor si ta basta. Nan a buska semènt i santu den bario mes i nan a kuminsá yena buraku.
Komo ku nan no tabatin nada pa tapa e burakunan ku nan a kaba di yena ku semènt, e abitantenan mes a usa entre otro palu i otro ophetonan pa pone riba e burakunan yená, p’asina outomobilistanan tene kuenta ku e burakunan a keda resien será ku semènt i ku esaki mester seka. E abitantenan a indiká tambe ku si tabata por, nan lo a pasa den tur kaya mes i yena buraku, pero ta e materialnan mester i gustosamente nan lo hasi esaki mas kaminda.

LAGA UN KOMENTARIO

Please enter your comment!
Please enter your name here