MADRID, AP.- E burókratanan na Spaña, algun bisti na pretu komo señal di luto, a protesta djabièrnè den kayanan kont ra e medidanan estrikto di ousteridat resien aprobá pa e gobièrnu.

E disposishonnan ta inkluí un redukshon salar ial nobo di tur empleado públiko i alsa di

...Un hòmber ta grita e representativo provinsial di Gobièrnu, Maria Cifuentes...
…Un hòmber ta grita e representativo provinsial di Gobièrnu, Maria Cifuentes…

impuesto ya komo e pais ta pasando dor di difikultatnan pa motibu di reseshon. Tambe e ta padesé di un tasa di desempleo di kasi 25%.

Spaña ta konfrontando eksigensianan ku e mester pone su finansa públiko na òrdu meimei di prekupashonnan di merkado pa ku e preokupashon di banko i di e ekonomia general di e pais. E pais Ibériko ta pasando dor di “ momentunan mas troumatiko, dramátiko i difísil”, asina e visepresidente di gobièrnu Soraya Saenz de Santamaria a bisa.

E funshonario a rekonosé ku e medidanan di ousteridat no ta “simpel, fásil ni popular” i a afirmá ku e gobièrnu lo purba di apliká esakinan ku e “mesun hustisia i igualdat”.

...Polis ta arestá un señora hende grandi durante e protesta kontra e medidanan di gobièrnu...
…Polis ta arestá un señora hende grandi durante e protesta kontra e medidanan di gobièrnu…

E gobièrnu konservador ta enfrentá krítikanan fuerte debí ku ta klase media i trahadó ta esnan ku ta mas afektá pa medidanan di ousteridat. Minister di Ekonomia, Luis de Guindos, a anunsiá e kreashon di un mekanismo nobo di asistensha pa e 17 regionnan di Spaña ku lo fasilitá e finansiamentu. Algun di e regionnan, manera Valencia na ost, mester di e rekursonan ku urgensia i ta haña difikultatnan kada biaha mas grandi pa logra drenta e merkadonan di kapital.

LAGA UN KOMENTARIO

Please enter your comment!
Please enter your name here