WILLEMSTAD.- Polis ta pidi búskeda di e hóben Ishamar Thelmy Merceline Lodowica, nasé na Kòrsou di 13 aña di edat. Djasabra 8 di novèmber 2025, a baha e hóben aki na un playa den área di Marie Pampoen, i e no a regresá kas.
Ishamar tin e siguiente deskripshon: haltura: 1.65 m; kara: oval; postura: normal; kabei: pretu; koló di wowo: maron skur; koló di kueru: maron kla.
Na momentu ku e hóben a sali su kas e tabatin un blusa i shimis blanku bistí, i na su pia e tabatin un ‘crocs’ pretu bistí.
Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.
