WILLEMSTAD.- Polis ta pidi búskeda di e hóben Sashane Tammeda Marsh nasé na Jamaica di 16 aña di edat.
Djaluna 13 di òktober 2025, e hóben aki a sali kas den Kaya Piastrer pa bai skol i no a regresá.
Sashane tin e siguiente deskripshon: Haltura: 1.70 m; Postura: delegá; Kara: oval; Kabei: maron skur; Koló di kueru : maron; Koló di wowo: maron skur.
Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.
