WILLEMSTAD.- Polis ta pidi búskeda di e hóben Shalony Jasinta Alejandra Apostel Wasker, nasé na Kòrsou di 16 aña di edat. Djamars 2 di sèptèmber 2025, e hóben aki a sali for di e instituto den kua e ta keda pa bai skol sin regresá.
Shalony tin e siguiente deskripshon: Haltura: 1.55 m; Kara: oval; Postura: delegá; Kabei: natural; Koló di wowo: maron skur; Koló di kueru : maron skur.
Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.
