WILLEMSTAD.- Na e momentunan aki polisnan ta den un búskeda intenso den e área di Buena Vista. Informashon ku EXTRA ta disponé di dje ta indiká ku un hòmber lo a tira un atrako i a bai ku un vehíkulo (SUV) kolo kòrá.
Na e momento ku outoridatnan a señalá e SUV den Buena Vista a start mesora ku un persekushon i den área di Jamaicaweg e hòmber a baha for di vehíkulo i kore na pia bai for di e sitio.
Outoridatnan mester a hasi uso di nan arma reglamentario, sin embargo no a logra detené e hòmber aki te ainda. Mas detaye den edishon di EXTRA.
