Butadónan di ‘fever’ i taksi klandestino den korte

WILLEMSTAD.- Mayan djaweps 17 di mei korte di hustisia ta trata kaso di hendenan ku a pone ‘fever’ den Saliña i tambe riba F.D Rooseveltweg. Den e asina yamá “verkeerszitting” lo trata e kaso kaminda un outomobilista nasé na Kòrsou 1978, a buta ‘fever’ den Saliña riba Lindberghweg dia 31 di desèmber 2017 i un otro outomobilista nasé na Kòrsou 1972 a pone ‘fever’ riba Rooseveltweg dia 19 di yanüari 2018. Ámbos outomobilista S.V.A.B(1978) i S.T.I (1972) a violá artíkulo 21 di “Wegenverkeersverordening Curaçao”.
Otro kasonan ku tin di aber ku tráfiko i ku tambe Ministerio Públiko ta hiba korte ta di un outomobilista ku tabata kore outo bou di influensia di alkohòl. Transporte ilegal di pasahero kontra pago tambe ta kontra lei. Den e kaso aki e hòmber S.M nasé na Colombia (1949) a violá lei di tráfiko ku su aktuashon i e lo mester responsabilisá su mes dilanti korte djaweps awor.

SHARE

LEAVE A REPLY