OTTAWA, CANADA, AP.- Canada a pone sanshonnan kontra figuranan klave di e régimen di presidente Nicolas Maduro, segun un minister kanades di Relashon di Eksterior, Chrystia Freeland.
Freeland a bisa ku e sanshonnan ta dirigí na 40 funshonario i individual, inkluyendo Maduro, kende ta kontribuyendo na kibra seguridat, stabilidat i integridat di e institushonnan demokrátiko na Venezuela.
E sanshonnan ta fris tur vienes ku e personanan aki tin na Canada i ta prohibí kanadesnan pa hasi negoshi ku nan. Canada a akusá Maduro di dirigí su pais rumbo pa un diktadura i a pronunsiá repetidamente den su kontra.
Maduro, kende a yega na poder na aña 2013, tabata hopi yega ku e eks presidente Hugo Chavez.
Durante gran parti di su presidensia, Maduro a goberná pa dekreto i marginá e asamblea nashonal skohe.
Freeland a bisa ku Canada ta sostené e demokrasia na Venezuela.
