OTTAWA, CANADA, AFP.- Canada a suspendé su trato di ekstradishon ku Hong Kong komo forma di protesta kontra e lei nobo di seguridat nashonal ku China a dekretá na Hong Kong.
Canada lo suspendé eksportashon di arma militar pa Hong Kong i lo ‘update’ e pais su konseho di biahe pa splika e kanadesnan kon e lei lo afektá nan, segun e minister di eksterior.
“Nos ta ekstremadamente preokupá ku e situashon di Hong Kong”, asina Promé Minister Justin Trudeau a bisa durante un konferensia di prensa.
China a dekretá un lei ku a kastigá tur akto di supervishon, separashon, terorismo i kolaborashon ku forsanan estranhero. China su mandatarionan a bisa ku e lei nobo lo restorá stabilidat despues di un aña di protesta, tin biaha violento.
E lei a wòrdu dekretá den un seshon privá, sin partisipashon di Hong Kong su mandatarionan, un violashon kontra obligashonnan internashonal di e pais, segun e minister di Eksterior kanades, Francois-Phillipe Champagne.
