OTTAWA, CANADA, AFP.- Canada a outorisá e di kuater vakuna kontra COVID-19, agregando esun di Johnson & Johnson na e lista huntu ku e vakunanan di AstraZeneca, Pfizer/BioNTech i Moderna.
Esaki ta e promé vakuna ku ta rekerí solamente un dósis den e pais, i a haña aprobashon pa tur hende riba 18 aña us’e.
Merka a aprobá su uso riba 27 di febrüari i e Agensia di medisina Europeo lo disidí si lo aprobá esaki den Union Europeo otro siman.
Ottawa a hasi un pedido di 38 mion dósis di Johnson & Johnson. Por warda e vakuna aki den temperaturanan di entre dos pa ocho grado Celsius, kual ta hasi e distribushon mas fásil kompará ku otro vakunanan.
E promé minister kanades Justin Trudeau a bisa ku lo vakuná tur hende pa sèptèmber, pero te ainda solamente 4% a haña por lo ménos un dósis.
