TORONTO, AP.- Canada lo tuma e pasonan nesesario pa aprobá e akuerdo komersial nobo, T-MEC, otro siman, segun informashon di promé minister Justin Trudeao.
El a agregá ku e gobièrnu lo presentá un moshon na momentu ku Parlamento reanudá su aktividatnan riba 27 di yanüari i lo introdusí e lei pa ratifiká e akuerdo despues di dos dia. E kanadesnan ta dependé di un akuerdo stabil i konfiabel ku su sosionan komersial, segun deklarashon di e mandatario. Esaki lo eliminá e último opstákulo pa logra e pakto legal ku Merka i México.
Presidente Donald Trump a hasi su kampaña di 2016 primintiendo ku e lo kibra tur akuerdo komersial ku ta hinka Merka den un defisit komersial i kousa pèrdida di trabou den e pais. El a primintí ku si e wòrdu eligí e lo renobá e tratado TLCAN, kual a bira T-MEC. E presidente ta konsiderá e pakto TLCAN komo e akuerdo di mas malu den e historia komersial den historia di Merka.
Senado di Merka a aprobá e lei di implementashon ku México i Canada. México a ratifiká e akuerdo den yüni.
