DJERBA, TUNISIA, AFP.- Canada a bisa djadumingu ku e pais lo imponé sanshonnan kontra e èks presidente Michel Martelly i dos èks promé minister akusá ku benefisiá di gangnan armá, i tambe a anunsiá un pakete nobo di yudansa pa e pais.
E hòmbernan en kuestion “ta benefisiá direktamente di e trabou di ganga i ta asosiá ku un sistema di korupshon”, asina e minister di Eksterior di Canada, Melanie Joly a bisa durante un konferensia na Tunisia.
E sanshonnan ta konta pa e eks promé ministernan haitiano Laurent Lamothe i Jean Henry Ceant, inkluyendo Martelly.
Canada a imponé sanshonnan similar na komienso di e luna aki kontra otro funshonarionan di rango haltu pa nan vínkulo ku krímen organisá.
Ottawa a anunsiá un pakete di yudansa na balor di 16,5 mion dòler kanades pa yuda e pais kombatí korupshon i e brote di kólera.
Haiti ta pasando dor di un krísis ekonómiko, polítiko di seguridat ya pa vários aña, kual a empeorá ku asesinato di presidente Jovenel Moise aña pasá i e influensia kresiente di gangnan.
Un brote di kólera anterior a mata mas ku 10.000 persona.
