CANADA, AFP.- Minister di eksterior kanades a urgi siudadanonan di e pais aki pa nan sali inmediatamente di Etiopia esaki preokupá pa e kondishon di seguridat den e pais den guera ei.

“Canada ta hopi preokupá pa e deterioro asina lihé di e situashon di seguridat na Etiopia”, segun minister di eksterior Melanie Joly a bisa den un deklarashon.

For di 18 di novèmber, e ta rekordá, Ottawa ta pidiendo kanadesnan pa nan evitá biaha pa Etiopia. I awor nan ta pidi kanadesnan ku ta einan pa nan bandoná e liga inmediatamente, esta di nan por hasié, esaki teniendo na kuenta ku vuelonan komersial lo por keda limitá.

LAGA UN KOMENTARIO

Please enter your comment!
Please enter your name here