MERKA.- Rapper Cardi B a keda skohé pa aktua den un pelíkula. E ganadó di Grammy lo aktua den ‘Hustlers’ huntu ku entre otro Jennifer Lopez i Constance Wu.
E pelíkula ku lo keda dirigí pa Lorene Scafaria ta basa riba un artíkulo ku a sali den New York Magazine. E artíkulo ta relatá un grupo di ‘stripper’ ku a uni pa hòrta sèn for di nan klientenan bieu di Wall Street.
Cardi B den pasado a traha komo stripper promé ku el a bira famoso komo artista di HipHop. Ki ròl Cardi B lo haña den e pelíkula no ta konosí ainda.
E rapper di 26 aña den 2017 a bira popular despues dje éksito di ‘Bodak Yellow’. Den luna di febrüari 2019 el a gana su promé Grammy pa e mihó albùm di rap di 2018 ‘Invasion of Privacy’.

LAGA UN KOMENTARIO

Please enter your comment!
Please enter your name here