BARCELONA, SPAÑA, AFP.- Catalonia lo sera tur bar i restorant durante por lo ménos 15 dia kuminsando djaweps anochi pa kontené e pandemia di COVID-19, segun indikashon di outoridat spañó.
Catalonia ta uni otro regionnan manera Madrid, Andalusia, Navarra i Galicia, kual tambe a dekretá medidanan pa kombatí e pandemia.
E presidente regional, Pere Aragones a bisa ku e medidanan aki ta pa evitá un lockdown total.
“Nos sa ku ta un desishon difísil pa e sektor di horeca”, kual ya a sufri komo kousa di e pandemia, pero “nos mester limitá kontaktonan sosial”.
Catalonia ta un di e promé regionnan den Spaña ku a reportá un di dos ola den yüli, i a tuma medidanan drástiko pa baha e infekshonnan. Outoridat a bisa ku e kantidat di kasonan ta subiendo atrobe.
Spaña a reportá kasi 900.000 kaso di Corona vírus i mas di 33.200 morto.
