CBV: awe ta marka inisio di rekonosementu trahadónan den enfermeria
WILLEMSTAD.- Minister di Salubridat Tyrone Boekhoudt, awe for di mainta tempran, ta huntu ku direktiva di sindikato CBV i ta bishitando institutonan di kuido. Presidente di CBV sra. Annaliza Suares a apresiá e atenshon i kompromiso di minister Boekhoudt pa na un manera eksepshonal dediká su tempu na e trahadó den kuido riba Dia di Enfermero/Enfermeranan.
E dirigente sindikal a bisa awe mainta, ku ta importante pa rekonosé e trabou ku e personal den enfermeria ta hasi pasobra ta tantu bal duna e trahadó un saku di plaka i no ta rekonosé su trabou. E aña aki e lema ta bira, rekonosé e trahadó.
CBV ta kontentu ku e minister a skohe pa kana e ruta ku e sindikato for di 6’or di mainta, anto esei a marka e diferensia. Esei ta algu nobo i diferente. Minister Boekhoudt a felisitá e trahadónan, bisando ku e ta rekonosé e trabou di kada un di e trahadónan ku ta yuda pashèntnan. Sra. Suares, a bisa ku awe a marka e inisio di e trayekto di rekonosementu di trahadónan den kuido.
 riba ruta){kind=link}