representá pa Marilse Statie Teixeira Brazao
WILLEMSTAD.- Marilse Statie – Teixeira Brazao a sigurá ofisialmente e lisensia pa Miss International Curaçao 2026.
E logro emoshonante aki ta marka un kapítulo nobo den evolushon di representashon di beyesa global na Kòrsou, i ta trese un bista fresku, moderno i inspirá na e prestigioso plataforma internashonal di Miss International. Ku un base sólido den organisashon di eventonan di nivel haltu i matrimonionan lokal i internashonal, e organisashon ta trese hopi eksperensia den produkshon, kreatividat i ehekushon na e aventura nobo aki.
Ku e lisensia nobo, e organisashon lo apuntá i prepará un delegado ofisial pa representá Kòrsou na e esenario internashonal, selekshonando un persona ku ta representá beyesa, inteligensia, orguyo kultural i konsiensia global. E kapítulo nobo akí lo ser karakterisá pa inovashon i profeshonalismo, mientras ku ta apoyá damanan hóben pa yega na metanan ku nan mes a proponé.
“Nos ta sumamente honrá i emoshoná pa asumí e responsabilidat aki”, asina Marilse Statie – Teixeira Brazao a bisa. “Nos meta ta pa kuidadosamente selekshoná i guia un representante ku no solamente ta reflehá e esensia di Kòrsou, pero ku tambe ta karga un fuerte sentido di propósito, konfiansa i perspektiva global.”
Despues di un periodo di ousensia, Kòrsou lo bolbe ku orguyo na e esenario di Miss International na Hapon, markando un momento importante i signifikativo pa e presensia di nos isla den konkurso di beyesa global. E anunsio aki ta reflehá un kompromiso na e meta di elevá e presensia di Korsou riba esenario internashonal.
