Kon nos por ta un mihó hende. Kiko nos tin di tene kuenta kuné. Kon dil ku situashonnan ku por stroba nos den bida. Kon nos ta un mihó hende pa nos mes. Traha riba relashonnan den bida. Esaki ta e tema ku nos a papia ku Charifa Janga di One Care, un coaching profeshonal.  I ta netamente e AMI tin di kuminsá kuné. Bida ta un kore kore, e ta manera un kampo di bataya i hopi bia asina tantu kos ku e hende no tin tempu pa atendé òf ta kue kosnan pone un banda i sigui akumulá. I ta lubidá di bai bèk na e ser di bo mes. Pa esei bo mester tin momentu di trankilidat, pas mental i rekonosé kiko a hasi daño i kon ta bai traha riba esei. Ora bo ta un mihó persona, ku bo por ta un mihó partner, mihó mama, mihó trahadó, pa mi famia i tur kos ta kuminsá serka e hende mes.

Kultivá resilensia

Rekonosé ku bo tin un situashon no ta algu fásil pasobra nos no a lanta den enseñansa i edukando nos yunan kon pa kai bolbe lanta. Nos a lanta di ke wòrdu protehá. Mi no ke pa nada pasa mi yu, mi partner i nos no a kultivá resilensia i siña e persona pa e pensa, lag’é hasi eror i kon ta dil kuné. Tin hopi kos nos a kultivá for di nos infansia i miéntras bo ta krese, si bo tin deseo di krese personalmente bo a kuminsá buska e konosementu pasobra bo ta sinti ku tin doló ku bo so bo por dil kuné, tin asina tantu kos ku bo tin di rekonosé. I si djis aseptá ta e momentu ku por kuminsá desaroyá i krese. Charifa ta bisa ku e no ta e mesun persona di 10 aña  pasá kisas karakterístika a keda ku e ta kere ta bon pa e i pa otro pero tin kosnan ku tin di laga lòs i no ta parti di dje mas. Si bo tin hende rònt di bo ku ta komprondé evolushon i ku nos ta ser humano konstante den kresementu i tin e habilidat di duna bu e posibilidat di komuniká i ta mas habrí, nos lo kultivá ser humanonan mas felis.

 

Aseptashon no tur bia ta fásil

Charifa tin mas di 10 aña  ta duna guia. E ta bisa ku aseptashon no tur bia ta fásil pero dependé ken e hende haña komo konsehero i coaching ta pone e persona bai pensa. E ta yega na rekonosé, e tin di lanta e konsientisashon den e hende ku e tin algu pa traha riba dje i aseptá i e ora ei porta ta habri pa krea kerensia nobo. Edukashon a bin realmente for di kas pero tin sierto kerensia no ta di awor. Nos mester siña buska balansa den nos bida. Pa Charifa balansa a bin dor di komuniká, el a siña kiko rosea ta nifiká pa su mente, i kiko pas mental ta. E ta un persona empátiko i emoshonal. El a siña dil ku emoshonnan pasobra e no por komprondé dikon e otro no ta komprondé pe pero e mester  a komprondé su mes promé. Semper e mester a bai bèk na su mes, i e sinti e emoshon, rabia, tristesa i alegria e por dun’é un lugá, un nòmber i traha riba dje. I nos ta den komunidat di bèrgwensa. Esei no ta yuda ku kresementu. Den mundu di coaching i konseho bo ta skucha hopi. I e semper ta bisa ku e no tin e solushon pero e ta skucha i e solushon ta serka e hende mes, e ta yuda pa saka e solushon  yuda tene man di e hende pa kiko otro por trese den persona.

Duna bo mes balor

I den hopi kaso hende ke aseptá i kambia pa komplasé otro. Pero asina nos a keda eduká. I  e pregunta lo mester ta si di bèrdat loke bo ta hasiendo ta hasi bu felis, di bèrdat e rekonosementu di otro ta hasi bu felis. Bo tin di duna bo mes balor i kon bo ta komuniká esei na otro sin hasié daño. E balansa ta importante. Nos ta hasi hopi kos pa komplasé otro. Charifa a siña ku kosnan ku a hasié doló den su bida e mester a siña pordoná su mes pa a aseptá di a tolerá asina tantu te hasi su mes daño. E felisidat tabata serka e mes. Ora el a siña esei i bib’é awor aki e habilidat ku e tin pa skucha e otro i yega na un akuerdo, e balanse ta dun’é pas mental. Tin enseñansa ta asina profundo ku no ta di awe pa mañan bo ta lanta kana. Ora e keda di ‘trigger’ i e reakshoná e tin di aseptá ku loke e ta hasiendo ta hasi e mes daño i esei e tin di rekonosé. Niun hende tin kontròl riba loke e ta sinti. E poder ei ta serka e mes.

 

Kultivá e habilidat suave

Problemanan relashoná ta bin dilanti hopi últimamente den nos komunidat. Pa un kon relashon, ounke kisas el a zona hopi kaba Charifa ta kere ku ta nada ménos ku komunikashon. Pero atrobe loke el a siña ta ku nos tur ta papia pero no nos tur sa kon komuniká di bèrdat. E ta un habilidat suave ku e hende tin di kultivá. Komo pareha nos mester ta mas empátiko ku otro. 65% mundialmente ta divorsiando aktualmente. E ta bin di un époka di Disney Love, wak pelíkula di Disney i kere ku ta asina e relashon ta pero asta Disney ta kambiando. Hende muhé a evolushoná. I bo tin di keda komprondé e pensamentu moderno i e disney love no tei mas.

 

Intimidat moderno

Charifa ta un konsehero íntimo tambe i el a kaba di sigui un kurso di intimidat moderno. I bo ta siña tur e tipo di amornan ku ta eksistí ku griegonan tabata usa i despues ta usa komunikashon. Por usa palabra sin definí kiko e ta nifiká pa otro pero a disidí di forma un relashon kisas loke pa esun norma i balor ta pa e otro e no ta. Hopi biaha den su konsehonan e ta definí kiko e palabra manera relashon ta pa e otro. I einan por ripará ku loke e ta nifiká pa esun no ta meskos pa e otro.  Dating moderno no ta tene man pero e ta bai konosé otro i konosé otro di bèrdat. Ban komuniká, kiko a hasi doló den pasado, kon ta trahando riba e dolónan, kiko por nifiká pa otro den e proseso trahando riba dolónan. Nos mester ta mas habri ku otro i laga bèrgwensa un banda. Si logra kultivá e habilidatnan suave aki un banda, lo yega hopi leu den relashon no den pareha so pero ku famia, yu, trabou. E ta algu asina profundo i amplio i ora bai wak den bo mes i trese e loke tin paden ei ariba, bai bèk den infansia, tuma kurashi di habri e kanalnan ei i ta vulnerabel pa skucha otro, e laso ku ta krea ei den relashon ta bira unu muchu mas fuerte.

Si tin algu na kas no ta bayendo bon, ku e ta reflehá den trabou. Ta keda wak similaridat. Kosnan ku ta pasa den trabou i kosnan ku ta pasa na kas. Nos tur mester habri nos mes mas, buska sanashon, desaroyo personal, kursonan pa siña dil ku e habilidat suave ei.

Kresementu ta kana nunka

Charifa tin su mes kompania One Care for di 2014. Nan a kuminsá ku un mira pa yuda tur drecha servisio na kliente. E manera ku e tabata mira kon servisio na kliente ta wòrdu duná, su pashon ta sirbi, el a kuminsá for di 16 aña trahando ku hende i no tin nada mas bunita ku ora hende drenta un manera i sali diferente. El a krea un ‘netwerk’ di añanan. E pashon ei el a hib’é den su trabou pero a disidí ku e ke kompartí su pashon ku Kòrsou i a kuminsá ku One Care. Su focus no tabata esnan ku ‘high IQ’ pero e ta pa tur ku ke haña e oportunidat ku kisas o a kaba skol pa X motibu pa trein i yuda hende di paden. I si e por yuda e hendenan ei via di One Care pa demostrá e habilidat di kon bon bo ta por ehèmpel komo telefonista. E ta konsultent den yuda den merkadeo, ‘contact center’ ku porsierto ta un mundu ku el a sali for di dje i por bira un pilar mas pa Kòrsou. E no ta un arte pero un pashon. A purba kuminsá ku e ola ei Kòrsou, kultivá ‘costumer service’ pero hopi hende falta e habilidat asta suave. Hopi tin tópikonan mental, no tin motivashon i asina el a bin ku e University of Life. Ta kosnan ku por yuda e hende lanta mainta i usa loke el a siña i drenta komunidat bek mas firme. Kresementu ta algu konstante.

 

Masterclass

Charifa a bisa ku tur kos ta bin na su debido tempu. El a kuminsá duna hopi kurso na kompanianan. Transformashon no ta algu di un dos luna òf un lès di 3 pa 4 ora. E ta un trayekto ku ta kana huntu algu tambe individual pa kada hende. Esei e ta kere den dje i ta mas efektivo. Hendenan ku el a yega di duna lès ta yam’é te dia di awe pa guia i konseho. Tambe e ta duna masterclass. E ta un Creditcoach ku ta kere den empresarionan chikí. E ta yuda e kompania Kontentu ku masterclass.

 

Subi kama tur dia ku gratitut

E poder mental di kada hende ta muchu mas fuerte ku loke e hende mes ta rekonosé. I den su momentunan di isolashon i hasi pregunta, manifestá, lesa, estudio i konektá ku su mes bèk a poné bin bèk, i p’esei papiamentu ta importante pa e por komuniká ku su hendenan.  I tur anochi e hende tin deber pa mustra gratitut pa e dia i reflekshoná riba e kosnan ku a bai ménos bon. Skibi nan i kuminsá buska kon ta bai traha riba nan. Hopi bia nos ke hasi kos riba nos mes pero siña buska yudansa. Si bo no para ketu un ratu riba bo mes, bo ta ‘crash’. Subi kama tur dia ku mente di gratitut, manifestá deseo i soñonan. Tur loke bo manda eifó ta bin bèk.

102 COMMENTS

  1. Oh my goodness! Awesome article dude! Thanks, However
    I am going through difficulties with your RSS.
    I don’t understand the reason why I cannot join it.
    Is there anyone else getting the same RSS problems?
    Anyone that knows the solution can you kindly respond?

    Thanks!!

    Here is my web page site – wiki.efasinfo.com,

  2. Hast du schon von Reduslim gehört und fragst dich,
    wie man es einnimmt? Reduslim ist ein beliebtes Nahrungsergänzungsmittel zur Gewichtsabnahme, das oft als Kapsel eingenommen wird.

    Um die bestmöglichen Ergebnisse zu erzielen, sollte man es täglich mit viel Wasser einnehmen, am besten 30 Minuten vor einer Mahlzeit.
    Die empfohlene Dosierung beträgt zwei Kapseln pro Tag. Es ist wichtig,
    sich an die Anweisungen auf der Verpackung zu halten und nicht mehr als die empfohlene
    Menge einzunehmen. Es wird empfohlen, Reduslim in Kombination mit einer gesunden Ernährung und regelmäßiger Bewegung zu verwenden, um die besten Ergebnisse zu erzielen. Probier es doch selbst aus und schau,
    wie Reduslim dir auf deinem Weg zur Traumfigur helfen kann!

    Also visit my website – reduslim kaufen apotheke

LAGA UN KOMENTARIO

Please enter your comment!
Please enter your name here