Maria Corina Machado tambe lo bai elekshon ora tin esaki
HOSUTON, MERKA, AFP.- Lider opositor venezolano i ganadó di premio Nobel di Pas Maria Corina Machado a sigurá den un entrevista ku AFP ku e gobièrnu di Delcy Rodriguez na Caracas ta desmantelando tiki tiki riba òrdunan di presidente Donald Trump, komo parti di un proseso di transishon.
Machado kende a partisipá den un foro mundial di energia Ceraweek na Hosuton, a bisa ademas ku ora konvoká elekshonnan di nobo na su pais e lo partisipá den e proseso elektoral.
A puntr’e; abo lo promové oportunidatnan di invershon na Venezuela, un pais ku un reserva global di petroli di mas grandi pero ta momentu di drenta miéntras ainda tin un gobièrnu ku e merkadonan tin miedu di dje?
El a kontestá ku e momentu a yega. Nan tin hopi aña tratando na kombens’é mundu di e realidatnan. E reservanan mas grandi di petroli di mundu, e di 8 gas natural, e kurason di Amérika, un region sin konflikto. Venezuela tin kostonan di petroli kompetitivo. E tin tur kos. Loke e falta ta e kuadro institushonal i e kondishonnan di seguridat pa invershonnan riba plaso largu. I esei ya ta den proseso pa haña tambe.
I e apertura di e sektor petrolero, manera nan ta planiando esaki nunka promé a mira na e pais. Esta sali di 100% privá kaminda e estado ta asumí un ròl reguladó i insentivá i promové i protehá e invershon ekstranhero.
