Chelsea Manning ta prohibí pa drenta Oustralia

CANBRRERA, OUSTRALIA, AP.- Chelsea Manning, kondená na Merka pa filtra dokumentonan sekreto, no por drenta Oustralia pa un gira di konferensia ku mester a kuminsá djadumingu, segun e entidat organisadó djaweps.

Think Inc., a indiká di e risibí un notifikashon di e gobièrnu pa ninga su entrada. E grupo a pidi su siguidónan pa preshoná e minister di Inmigrashon, David Coleman, pa permití su entrada den e pais. Si e desishon resultá palpabel, e presedentenan ta indiká ku e desishon ta definitivo.

Think Inc., a indiká di a entrega e gobièrnu un desena di karta na individualnan i organisashonnan ku kier risibí Manning.

Manning tabata analista di inteligensia di ehérsito merikano na momentu ku el a filtra dokumentonan militar i diplomátiko i ‘leak’ esakinan riba WikiLeaks. El a kumpli shete aña di un kondena di 35. El a haña indulto serka e eks presidente Barack Obama na 2017.

E aktivista transgenero, resientemente derotá den un intento pa haña un asiento den Senado pa Maryland, mester a duna un konferensia den Opera di Sydney i despues otro lugánan di Oustralia i New Zealand.

E Departamento di Asuntu Interior a bisa ku ounke esaki no a hasi deklarashonnan riba kasonan individual, estranheronan ku pidi pa drenta Oustralia mester kumpli ku algun rekisito. Esaki ta inkluí un ‘strafblad’ òf e echo ku e persona ta konstituí un peliger pa komunidat, entre otro.