...Presidente chileno Gabriel Boric durante un buelo den helikòpter pasando riba kapital di Chile pa tuma nota dje situashon ku a surgi pa e interupshon di koriente…
SANTIAGO DE CHILE.- E gobièrnu di Gabriel Boric ayera a deklará un estado di eksepshon i a imponé un toke de keda nokturno den gran parti di Chile,inkluso Santiago, pa motibu di un black-out masivo generá pa un supuesto fayo den e sistema di koriente.
“Nos lo tin toke de keda for di 10’or di anochi te 6’or di mainta”, segun e mandatario Carolina Toha den konferensia di prensa.
E anunsio a konta pa hinter parti nort i zùit di Chile, for di e region Arika te ku Los Lagos, respektivamente, kaminda mas ku 90% dje poblashon di 20 mion chileno ta biba.
For di ayera tardi 15:16 (ora na Chile) e áreanan ei a keda sin koriente
Mas trempan e minister a deskartá ku e black-out tin di aber ku un atake. ”Ta un fayo dje sistema mes”, segun el a bisa.
Ku aktivashon dje toke de keda, e gobièrnu ta buska pa garantisá seguridat di e personanan teniendo kuenta ku e interupshon di koriente lo a dura hinter anochi.
