CONCEPCION, CHILE, AFP.- Ekspertonan internashonal a kuminsá yuda ku trabounan di reskate djaluna pa kombatí kasi 300 kandela forestal ku a afektá e zona sentro sùit di Chile, i ku ya a laga 26 morto i mas ku 1.100 kas destruí.
Aktualmente tin 275 kandela ku ainda ta aktivo despues ku e kandelanan a kima mas ku 270.000 hèktar, meimei di temperaturanan inusualmente haltu pa sùit di e pais.
E kandelanan, ku a haña forsa desde djaweps último, a laga 26 morto, 1.260 herido, 3.0000 persona sin kas i 1.159 kas kima, segun e último informe di servisio nashonal di prevenshon i maneho di desaster (Senapred).
Den último oranan, vários aparato i spesialista a yega Chile for di Spaña, Argentina, Mexico i Merka kual a manda e “Ten Tanker”, e avion pa yuda paga kandela di mas grandi na mundu, ku kapasidat pa 36.000 liter.
