Chimenea aktivo na Refineria Isla

WILLEMSTAD,- Awe mainta EXTRA a tuma nota ku for di un chimenea di Refineria Isla tabatin huma pretu ta sali. Pa basta luna chimeneanan di refineria ta manera ‘friu’ den sentido ku nos no tabata mira aktividat di huma blanku, pretu ni kandela.  Den komunikashon ku e bosero di refineria el a duna di konosé ku plantanan di Isla ta den sirkulashon kayente. E bosero ta splika ku ta trabounan di limpia e liñanan i fòrnunan.

Mientrastantu e trabounan ta sigui den PMO buskando un partner stratégiko pa sigui ku maneho i operashon di e refineria. Partidonan interesá a entrega e asina yamá ‘non-binding proposals ‘ i Refineria di Kòrsou ku ta e kompania doño di e instalashonnan ta pendiente pa anunsiá kua ta e kompanianan ku ta sigui traha kuné te pa yega unu so probablemente.

SHARE

LEAVE A REPLY