BEIJING, AP.- Un tribunal na China a sentensia un hòmber kanades na morto djaluna na China. Esaki ta un huisio repentino pa tráfiko di droga ku sigur lo deteriorá e relashon entre e dos paisnan, ku ya tabata tenso pa aresto di un ehekutivo chines haltu na Canada.

E tribunal den provinsia nororiental di Liaoning a kondena Robert Lloyd Schellenberg na morto despues di rechasá su deklarashon di inosensia i deklar’é kulpabel di kontrabanda droga. Korte no a duna indikashon ku e sentensia por wòrdu anulá, pero e suerte di Schellenberg sigur lo dependé di e negosiashonnan diplomátiko tokante libertat ehekutivo chines.

E promé minister kanades, Justin Trudeau a bisa djaluna na Ottawa ku e ta profundamente preokupá pa e echo ku China a disidí di apliká kondena di morto na un siudadano kanades di forma “arbitrario”.

“Tur pais na mundu” mester preokupá pa e kaso aki pasó Beijing ta aktuando arbitrariamente den su sistema di hustisia.

 

Schellenberg a wòrdu detené mas di kuater aña pasa i sentensia na 15 aña di prizòn na aña 2016, pero repentinamente tribunal di apelashon a kumpli ku un demanda mas fuerte di fiskal, kende a bisa ku e sentensia ta demasiado suave i a programá un huisio nobo ayera.

Prensa chines a kuminsá duna publisidat na e kousa kontra Schellenberg den desèmber, despues ku Canada a detené e ehekutivo finansiero prinsipal di Huawei, Meng Wanzhou konforme pedido di Merka.

 

LAGA UN KOMENTARIO

Please enter your comment!
Please enter your name here