MOSCOW, RUSIA, AFP.- Rusia i China a proklamá djamars ku nan relashon a drenta un era nobo i a enfatisá nan postura kontra potensianan oksidental, ku ke purba aislá Rusia komo kousa di e guera di Ukrania i oumentá su presensia na Asia.
“Nos a firma un deklarashon ku ta reforsá nos asosiashon stratégiko i nos relashon lo drenta den un era nobo”, asina e presidente chines Xi Jinping a bisa despues ku el a reuní ku Vladimir Putin na Moscow.
Putin a ekspresá su sosten na e proposishonnan di China pa haña un solushon pa e konflikto na Ukrania, kual a kuminsá kasi tres luna pasá ku e invashon di trupanan ruso den e pais.
China e media aktivamente den e rekonsiliashon diplomátiko entre Saudi Arabia i Iran, pero analistanan ta di opinion ku ta difísil pa Rusia para ku su hostilidatnan den e eks repúblika soviétiko.
Merka, no opstante, a bisa ku e no ta mira China komo un mediadó imparsial entre Moscow i Kiev.
