BEIJING, CHINA, AFP.- China a aprobá un lei pa lucha kontra desperdisio di kuminda, kual ta permití outoridat pa parti but haltu.
Presidente di China, Xi Jinping a pidi su kompatriotanan pa ta mas kouteloso ku desperdisio di kuminda den ougùstùs último. Pero parlamento a vota djaweps pa kombertí desperdisio di kuminda den un delito.
E lei ta permití pa restorantnan kobra nan kliente un suplemento pa e desperdisio, segun indikashon di e kanal di televishon públiko CCTV. I al kontrario, esnan ku terminá nan plato korektamente por haña un rekompensa segun indikashon di e kadena sin duna mas detaye.
E restorantnan ku purba influensiá nan klientenan pa pidi demasiado kuminda ta kore rísiko di haña un but di mas o ménos 1.500 dòler. Ademas, e lei ta sanshoná tur evento kaminda individualnan ta kompetí pa wak ken ta kome mas tantu, un aktividat popular online. E tipo di produkshonnan òf publikashon di e videonan aki ta kondusí na un multa di 15.400 dòler.
