WASHINGTON, MERKA, AFP.- Beijing a ninga un invitashon di Merka pa reuní ku e sekretario di Defensa merikano Lloyd Austin na Singapore. E invitashon ta pa reuní ku e minister nashonal di defensa chines, Li Shangfu, segun indikashon di Pentágono djaluna.
“E falta di boluntat di RPC pa partisipá den diskushonnan militar lo no kibra e kompromiso di Departamento di Defensa pa buska liñanan habrí di komunikashon ku Ehérsito Popular di Liberashon” di China, segun indikashon di e bosero di pentágono, Brigadir General Pat Ryder.
Un funshonario haltu di defensa merikano a deskribí e asuntu komo “esun di mas resien den un kantidat di èksküs”. El a bisa ku desde 2021 China a ninga òf keda sin reakshoná riba vários petishon di Departamento di Defensa, diferente pedido di diálogonan permanente i kasi dies kompromiso di trabou”.
Li a wòrdu sanshoná pa e gobièrnu di Merka na 2018 pa kumpra armanan ruso, ounke Pentágono ta bisa ku esaki no ta impedí e pais di trata asuntunan ofisial kuné.
