WILLEMSTAD.- Djaweps 17, djabièrnè 18 i djasabra 19 di sèptèmber, CIFFR lo presentá un serie di tres kortometrahe realisá pa hóbennan bou di supervishon di Anja van Bergen. ‘Challenges’ ta parti dje programa hubenil di CIFFR ku tin komo ophetivo pa animá i apoyá hóbennan pa produsí historia hasiendo uso di último teknologia, e telefòn inteligente.

E festival a skohe e tres mihó historianan di 36 presentashon pa pelíkula den e proyekto ‘Challenges’.

Debí ku e festival no a tuma lugá e aña aki i e pelíkulanan a keda produsí pa hóbennan a disidí di organisá e presentashon spesial di e pelíkulanan na inisio di e aña eskolar.

E festival di sine na airu liber lo tuma lugá den e teatro na airu liber di JPF, situá na Weg naar Welgelegen na Otrobanda i lo ta un kolaborashon di CIFFR, Kura di Arte i JPF.

E tres pelíkulanan spesial a keda produsí pa studiantenan di VSBO Maris Stella i Frater Aurelio SBO, tur ku e tema ‘Challenges’.

E pelíkulanan ta na papiamentu ku suptítulo na ingles.

Hóbennan ku ta bai skol ta drenta grátis i sobrá bishitantenan ta paga 10 florin pa entrada. Stulnan ta limitá tumando na konsiderashon e reglamentu di distansia sosial pa COVID-19. Ta pidi tur bishitante pa bini ku un ‘tapa boka’.

CIFFR ta presentá e serie di kortometrahe ‘Challenges’

E anochi lo keda kondusí pa MC Eugene Maduro kende lo hiba kombersashon ku e produktornan di e pelíkulanan riba tarima. Presentashon ta kuminsá pa 7 or i 9 or di anochi.

Karchi ta optenibel solamente via di reservashon via App òf yama 682-7285.

CIFFR ta spera di realisá un proyekto positivo pa hóbennan i un gran anochi di sine pa tur esnan ku ta stima pelíkulanan di ‘Arthouse’.

LAGA UN KOMENTARIO

Please enter your comment!
Please enter your name here