FILADELFIA, AP.- Primintiendo e merikanonan un man firme, Hillary Clinton a presentá su mes ayera nochi komo un faktor di unidat den époka di divishon, un lider eksperimentando pa un mundu no stabil i a pone na huisio e kapasidat di Donald Trump pa hasi meskos.
“Imaginá bosnan den ofisina oval enfrentando un krísis di bèrdat”, asina Clinton a afirmá riba un nochi kaminda el a aseptá e nominashon di e kandidatura demókrata pa presidensia. “Un hòmber na kende por pone un ‘carnada’ ku un tuit no ta un hòmber ku por konfia ku armanan atómiko”.
Clinton a subi esenario mei mei di aplouso di delegadonan ku tabata zuai ku banderanan riba e último anochi di e konvenshon nashonal demokrátiko, saboriando su nominashon komo e promé muhé ku ta enkabesá un di e dos partidonan prinsipal di e pais.
