PHILADELPHA, AP. – Un momentu históriko na Philadelphia i pa Merka.
Hillary Clinton ta e promé muhé ku ta gana kandidatura presidensial di un di e partidonan polítiko prinsipal den e nashon. E echo ta marka un hit den Konvenshon Nashonal Demókrata.
E eks sekretaria di Estado, eks senador federal di New York i eks promé dama di e pais kier bira e promé presidente di Historia di Merka i pa logra esaki e mester derotá e kandidato presidensial republikano Donald Trump den elekshon general di novèmber.
Hillary Clinton a risibí e votonan nesesario den Konvenshon pa haña nominashon demókrata pa presidensia i ku esaki hasi historia.