Clooney ta hasi donashon di 1 mion dòler pa e lucha kontra gruponan di odio

...Amal Alamuddin i George Clooney...

LOS ANGELES, MERKA.- George i Amal Clooney ta hasiendo un donashon di 1 mion dòler pa e lucha kontra di gruponan di odio.
E pareha a anunsiá ayera ku ‘Clooney Foundation for Justice’ ta apoyando ‘Southern Poverty Law Center’ ku 1 mion di dòler pa kombatí gruponan di odio na Merka.
George Clooney a bisa den un komunikado ku e pone su aporte na e lucha pa igualdat.
‘Intoleransia i odio no tin dos banda’, asina e aktor i aktivista a deklará.
‘Southern Poverty Law Center’ ta monitoriá e aktividatnan di mas ku 1600 grupo ekstremista na Merka i a usa e donashon pa gana kaso kontra di e organisashonnan di supremacia blanku.
Luna pasá, e fundashon di Clooney a anunsiá un donashon di 2 mion dòler pa yuda apoyá e edukashon di refugiadonan Sirio.

SHARE

LEAVE A REPLY