Skarsedat di personal debí na Covid

WILLEMSTAD.- Curaçao Medical Center (CMC) ta anunsiá ku entrante di djaluna 10 di yanüari, ta kanselá tur operashon elektivo te ku un próksimo anunsio. Operashonnan agudo i esensial si ta kontinuá manera den pasado. Sitanan na poliklínika i otro tratamentunan tambe ta sigui. Tuma nota ku CMC lo yama tur pashènt di kual nan operashon a wòrdu kanselá.

Skarsedat di personal pa motibu di COVID-19 i kapasidat máksimo na departamentu di Kuido Intensivo ta poniendo preshon hopi haltu riba hospital. Tin kasi 200 kolega ousente dor di COVID, AO pa otro motibu òf karentena. E kanselashon di operashonnan elektivo ta aliviá preshon pa asina por duna kuido responsabel na tur pashènt den hòspital. Na momentu ku sufisiente personal regresá i e kantidat di personal kuminsá stabilisá, CMC lo anunsiá kontinuashon di operashonnan elektivo. Sigui e página di Facebook di Curaçao Medical Center pa e último informashon.

21 COMMENTS

LAGA UN KOMENTARIO

Please enter your comment!
Please enter your name here