CMC ta risibí e grupo médiko merikano ku a sali karentena

WILLEMSTAD – Curaçao Medical Center a risibí e promé grupo di médiko merikano ku a sali karentena ayera, despues di a sigui protokòl estrikto di GGD pa 2 siman.

Pues awe mainta CMC a duna un kaluroso bon biní na e tím di 39 profeshonal médiko ku lo asistí CMC den e próksimo lunanan. E intenshon di e tím ta pa duna asistensia den kaso di un brote di COVID-19 pa asina CMC por sigui duna kuido médiko mas normal ku ta posibel na komunidat di Kòrsou.

Mientrastantu, e médikonan merikano lo sera konosí ku CMC i su prosesonan i lo asistí den vários departamentu a base di na ekspertisio manera Emergensia, Kuido Intensivo Neonatal, Ginekologia i ku mayoria dediká na Kuido Intensivo. E grupo ku ta konsistí di spesialistanan, paramédikonan i enfermeronan lo akudí na CMC djaluna te ku djabièrnè.

Ku tur 6 sala di operashon 100% den funshon i ku yegada di tur material i ekipo nesesario for di algun siman pasá, CMC ta sigui enfoká riba bahamentu di e lista di espera di pashènt miéntras ta mantené nivel di kuido haltu.

SHARE

LEAVE A REPLY