Willemstad.- Curaçao Beverage Bottling Company, mihó konosí komo Coca-Cola Curaçao, a lansa ofisialmente su kampaña “Skor ku Coca-Cola” pa Mundial di FIFA 2026. Ku esaki a kuminsá un promoshon di futbòl na nivel lokal, den un momentu históriko pa futbòl di Kòrsou.
Komo un marka ku tin mas ku sinku dékada di konekshon ku futbòl i ku FIFA, Coca-Cola ta partisipá den e trayekto aki na Kòrsou i Boneiru via un kampaña pa konsumidó enfokando riba partisipashon i eksperensia kolektivo.
Struktura di e Kampaña
E Kampaña “Skor ku Coca-Cola” ta diseñá pa ta fásil i aksesibel pa tur hende. Konsumidó por partisipá dor di manda e kódigo úniko ku por haña bou di e tapa di e produktonan partisipante di Coca-Cola.
Premio grandi i struktura di sorteo
Pa selebrá e echo ku Kòrsou ta rumbo pa Mundial di FIFA 2026, e kampaña tin tres momentu grandi di sorteo. Kada un sorteo ta inkluí un premio grandi: dos pasashi pa un wega di Mundial di FIFA 2026. E partido aki lo ta esun di Kòrsou kontra Alemania na Houston. Esaki ta inkluí un pakete kompleto di biahe i hospitalidat. Balor di kada pakete ta $13,500. Adishonalmente tin tres rifa, ku ta inkluí tres karchi di VISA Money Card na balor di XCG 1,000 kada un i tres televishon.
E sorteonan pa bai Kopa Mundial lo tuma lugá riba 31 di mart, 15 di aprel i 30 di aprel. E otro rifa lo bai tuma lugá riba 30 di mei, 30 di yüni i 15 di yüli.
Mas ku 55.000 premio instantáneo
Aparte di premio grandi, e kampaña tin mas ku 55.000 premio instantáneo.
Coca-Cola lo distribuí mas ku 22.000 premio instantáneo, inkluyendo bala di futbòl, tas di deporte, kùp re-usabel, “drawstring bags” i bibida grátis.
Partner di kampaña McDonald’s lo duna 33.000 premio adishonal, inkluyendo batata, bibida i ‘cheeseburger’ grátis.
Kon por partisipá
Por haña e kódigo bou di tapa di e produkto di Coca-Cola lokalmente produsí ku ta partisipá. Esakinan ta Coca-Cola, Coca-Cola Zero Sugar, Sprite, Sprite Zero Sugar, Criollita i Fria den bòternan selektá di 12oz, 20oz, 1L i 2L.
Despues di registrashon, partisipantenan por manda nan kódigo via WhatsApp na:
+5999 5603311
Kada kódigo ta konta komo un entrada pa un di e sorteonan, ku oportunidat pa gana un di e mas di 55.000 premionan instantáneo.
Partisipashon ta habrí pa konsumidónan di 18 aña di edat bai ariba.
Partnernan Lokal
E kampaña ta sostené pa partnernan lokal manera McDonald’s i Sambil Shopping Center, ku lo sirbi komo e sentro ofisial pa kobra premio i tambe lo ta sede pa ‘viewing parties’ durante e periodo di e kampaña.
Lansamentu ofisial den Sambil Shopping Center
A lansa e kampaña ofisialmente durante un evento pa prensa na e sentro di kobra premio di Coca-Cola den Sambil Shopping Center. Durante e evento, miembronan di prensa a haña informashon tokante e mekanismo di e kampaña i e premionan instantáneo, ku a keda presentá pa promé biaha. E premionan a wòrdu presentá dor di e futbolistanan di ekipo Excellence, pa enfatisá e importansia di e futbòl femenino na Kòrsou.
“Futbòl tin e poder úniko pa uni hende di diferente generashon i komunidat. Ku Kòrsou rumbo pa Mundial di FIFA 2026 pa promé biaha den historia, e kampaña akí ta marka un momentu di gran importansia pa nos futbolistanan, fanátikonan, i komunidat di Kòrsou, aki i den eksterior”, Myrthe George-Verhulst, ‘Marketing’ i ‘PACS Manager ‘di Coca-Cola Curaçao, a bisa.
Partner di kampaña McDonald’s a suprayá e balor di su kolaborashon largu ku Coca-Cola. “Nos ‘partnership’ ku Coca-Cola tin hopi aña i ta basá riba balornan komun tokante konekshon, goso i eksperensia,” Jennifer Poulina, ‘Operations Director’ di McDonald’s a bisa.
Ludwig Alberto, miembro di direktiva di Federashon Futbòl Kòrsou, a enfatisá e importansia di ‘partnership’ riba término largu den futbòl profeshonal. “Futbòl profeshonal no por eksistí sin partnernan fuerte,” segun e federashon. “Coca-Cola a keda konektá ku futbòl pa dékadanan, i e kompromiso duradero akí ta kontribuí den sostené e deporte lokalmente i internashonalmente.”
“Pa ta anfitrion di e lansamentu ofisial i e sentro di kobra premio, ta reflehá e konekshon fuerte entre Coca-Cola, nos bishitantenan i komunidat di Kòrsou”, Xandra van Hutten di Sambil a bisa.
Donashon
Komo sorpresa, Coca-Cola a regalá Federashon Futbòl Kòrsou (FFK) 100 bala di futbòl, komo parti di su kompromiso pa apoyá deporte i nos komunidat. E regalo aki ta bai pa miembronan di FFK, ku e meta pa duna tur futbolista na Kòrsou mas chèns pa hunga, entrená i disfrutá di e wega faborito rònt di isla, inspirando moveshon i mas pashon pa futbòl lokal.
Mas informashon tokante e promoshon ta disponibel via e kanalnan di medio sosial di Coca-Cola Curaçao & Bonaire (Facebook.com/CocaColaCuracaoBonaire) i riba www.cocacola.cw.
