BOGOTA, COLOMBIA, AFP.- Colombia a anunsiá djaweps ku a arestá un venezolano sospechá di ta impliká den un kòmplòt kontra e gobièrnu di Nicolás Maduro. E venezolano a keda identifiká komo Yacsy Alvarez. E presidente kolombiano Ivan Duque a bisa ku aparte di Alvarez a arestá tres venezolano mas. Nan ta impliká den planiamentu di diferente atentado den Colombia.
Venezuela a kibra relashon ku e gobièrnu di Duque den febrüari 2019. E dos paisnan ta kompartí un frontera di 2.200 kilometer largu, afektá ku aktividatnan di kontrabanda di arma, droga i kombustibel.
