Relashon komersial entre Colombia i China ta sigui krese. Riba e foto: presidente kolombiano Gustavo Petro i presidente chines Xi Jinping
BOGOTA, Colombia (AFP).- Colombia kada bes ta aserká China mas tantu den un intento pa diversifiká merkadonan i duna forsa na su ekonomia débil. Pero e desishon aki di presidente Gustavo Petro por kai den mal tera na Merka, su prinsipal sosio komersial ku ta den un guera ekonómiko kontra e gigante asiátiko.
Petro, e promé presidente iskierdista den historia di Colombia, e siman aki ta bishitá Beijing pa e IV Foro Ministerial China-Celac, i lo probechá pa seya su akuerdo na e inisiativa chines di “Franja y la Ruta”, un programa mionario di infrastruktura ku ta ekspandé den Amérika Latina.
Pero gremionan i empresarionan ta teme ku Washington lo mira un eventual aliansa di forma yalurs. “E aserkamentu di Petro na China ta un riesgo grandi pa e flornan rosa ekuatoriano i e kòfi sentroamerikano” den Merka, ku segun, invitado spesial di Departamento di Estado pa Latinoamérika Mauricio Claver-Carone, ta produktonan ku emblema kolombiano ku lo por pèrdè merkado.
China a gana tereno dilanti di Merka komo prinsipal orígen di importashonnan for di Colombia. Entre 2014 i 2024 esaki a pasa di 18.4% pa un total di 24.9%, ku 14.700 mion dollar e último aña.
Merka, di su parti, ta kumpra komo 30% di eksportashon kolombiano, segun presidente di Asosiashon Nashonal di Komersio Eksterior, Javier Diaz.
E presidente norteamerikano, Donald Trump, ya tabatin algun enkuentro fuerte ku Petro. El a manda un mensahe pa paisnan ku tin kontakto ku Beijing dor preshoná Panamá ku posibel rekuperashon dje kanal inter osean pa motibu un supuesto interes di China den su hafnan. Komo konsekuensia, e pais sentroamerikano den febrüari a kanselá sierto palabrashon ku tabatin ku China.
