BOGOTA (AFP).- Colombia no por “kontené” e trafikashon di droga si Merka stòp su lucha anti droga, un posibilidat teniendo kuenta ku e kresementu di produkshon di kokaina i e kultivo narko den e pais, segun e minister di defensa kolombiano.
E presidente norteamerikano, Donald Trump, den luna di desèmber lo disidí si lo stòp ku Colombia komo un aliado anti droga. “Si esei tuma lugá nos lo pèrdè e kapasidat di para e menasa. Esaki ta bai kontra di interes di Merka tambe, pa motibu ku ei ora ei mas kokaina lo yega serka nan”, segun e minister Pedro Sanchez.
