Kandidato elektoral kolombiano Abelardo de la Espriella kende a gana elekshon na e pais suramerikano.
BOGOTA (AFP).- Ku elekshon di Abelardo de la Espriella komo presidente nobo, Colombia ta dal un buèlta pa ultraderecha. E abogado mionario respaldá pa Donald Trump, ta pone fin na promé gobièrnu iskierdista den historia dje pais.
E hurista di 47 aña kende no tin eksperensia polítiko, a vense den un bataya pèrtá e senador ofisialista Ivan Cepeda, aliado dje mandatario Gustavo Petro ku tabata buska pa sera pas ku tur e gruponan armá i narkotrafikantenan meimei di un ola di violensia.
E konteo ofisial di voto te ku ayera tabata duna De la Espriella komo ganadó ku 49.7% di voto riba Cepeda ku a logra 48.5%. E abogado, ku ta referí na su mes komo El Tigre, lo goberná te ku 2030.
“Mi ta hopi kontentu. “Abelardo na e momento aki ta duna nos un kontesta riba seguridat”, segun Daniela Oliveros, un abogado di 30 aña kende na Barranquilla tabata selebrá e triunfo di su kandidato.
Di nashonalidat kolombiano i norteamerikano, De la Espriella a konsolidá su mes komo un fenómeno polítiko ku diskurso kontra dje sistema aktual. E abogado a deklará na AFP e lo buska respaldo di Trump komo tambe Israel pa ataká gueria ku bombardeo i fumigashon di kultivonan di droga den e pais, mayor produktor di kokaina na mundu.
Di su parti, Cepeda a duna di konosé ku lo e no aseptá e derota promé ku e relato ofisial ku lo tuma vários dia, kompañá ku verifikashon di 33.000 mesa elektoral.
